Monday, August 31, 2009

ஜெர்மனியில் உயர்கல்வி(3) - விண்ணப்பிக்கும் முறை மேலும் தேவையான படிவங்கள் பற்றிய தகவல்கள்

ஜெர்மன் உயர்கல்வி சம்பந்தமாக எழுதப்பட்ட பகுதி ஒன்று, பகுதி இரண்டு.

சென்ற பதிவில் திரு. பதி அவர்கள் கேட்ட கேள்விகளுக்கு விளக்கங்கள்.

1) சேர்க்கை விண்ணப்பம் ஏற்றுக் கொள்ளப்பட்ட பின், ஜெர்மனி வருவத உறுதி செய்து கொண்டு, ஜெர்மன் மொழியினை நமது ஊரிலேயே கற்கத் துவங்கிவிட்டால் எளிதாக இருக்கும் இல்லையா??

சேர்க்கை விண்ணப்பம் ஏற்றுக்கொண்ட செய்தி வந்த பின் போதிய அவகாசம் இருக்காது. இரண்டு மாதங்கள் இருந்தால் பெரிது. அந்த நேரத்திலும் விசா மற்றும் பல விடயங்களுக்கு அலைய வேண்டி இருக்கும். அப்பொழுது ஜேர்மன் மொழி பயில்வது மிக கடினம். நான் செய்த தவறும் அதுவே.

2) DAAD தவிர வேறு வழிகளில் கல்வி உதவித் தொகையுடன் கூடிய மேற்படிப்பு படிக்க இயலாதா???

DAAD மட்டுமே இந்தியாவில் இருந்தே நாம் உதவி தொகை உறுதி செய்ய முடியும். நிறைய நிறுவனங்கள், சேவை அமைப்புகள் உதவித்தொகை தருகின்றன. அவை அனைத்திற்கும் நீங்கள் சேர்க்கை கடிதம் காண்பிக்க வேண்டும். மேலும் நீங்கள் விண்ணப்பித்து இரண்டு முதல் ஆறு மாதம் வரை பிடிக்கும் அவர்கள் உங்களுக்கு அதற்கான விடை அளிக்க.

ஒரு வேலை நீங்கள் இணையும் கல்லூரி உங்களுக்கு சிபாரிசு செய்து ஏதேனும் உதவி தொகை வாங்கித்தரலாம். அது மிக குறைவே.

நீங்கள் முனைவர் பட்டம் பெற படிப்பவர் என்றால், 95% மேல் உதவித்தொகை கிடைக்கும்.

3) Erasmus Mundus படிப்பைப் பற்றியும் முடிந்தால் உங்கள் பதிவில் குறிப்பிட முயலுங்கள்....

Erasmus Mundus பற்றி ஒரு தனி பதிவே எழுத யோசித்துள்ளேன்.
+++++++++++++++++++++++++++++++++++++++++++++++++++++++++++++++

விண்ணப்பிக்க தேவையான தகவல்கள் மேலும் விண்ணப்பிக்கும் முறை:

சென்ற பதிவில் கூறிய தலைகளுக்கு சென்று, உங்க பல்கலை கழகம் மேலும் படிப்பு இவற்றை தேர்வு செய்த பின், அங்கே கேட்க பட்டுள்ள தகவல்கள் அனைத்தையும் சீராக அமைத்து அங்கே கொடுக்க பட்டுள்ள முகவரிக்கு அனுப்ப வேண்டும். கீழே உள்ள தகவல்கள் அனைத்து பல்கலைகழகங்களுக்கும் இவையே இருக்கும். சில பல்கலைகழகங்களில் நீங்கள் தேர்வு செய்யும் படிப்பை பொறுத்து ஏதேனும் தகவல்கள் அதிகம் தேவைப்படலாம்.

1. Application Form

நீங்கள் தேர்வு செய்த கல்லூரியின் தளத்தில் கொடுக்கப்பட்டுள்ள படிவத்தை தரவிறக்கி, அதை கையாலோ அல்லது சில படிவத்தில் நேரடியாகவும் செய்ய முடியும். சரியான தகவல்கள் பூர்த்தி செய்ய வேண்டும்.

இங்கு கவனத்தில் கொள்ளவேண்டிய ஒன்று, உங்களுடைய முதல் பெயர், குடும்பப்பெயர் இவை அனைத்தும் உங்கள் பாஸ்போர்ட்டில் உள்ளது போல் பூர்த்தி செய்ய வேண்டும்.

உங்களை தொடர்பு கொள்ளும் முகவரியை சரியாக எழுதவும். தேர்வின் முடிவை அவர்கள் இந்த முகவரிக்கே அனுப்புவார்கள். பின் கோட் மறக்காமல் எழுதவும்.

சில பல்கலைகழகங்களில் இவையே இரண்டு பிரிவாக இருக்கும்.

1. இணையதள விண்ணப்பம்.

2. பேப்பர் விண்ணப்பம்.

இவை இரண்டுமோ அல்லது, ஒவ்வொன்றாகவோ செய்யும் படி இருக்கலாம். நீங்கள் தேர்வு செய்துள்ள பல்கலைகழக தளத்திற்கு சென்றால் இதை பற்றிய விரிவான தகவல்கள் நிச்சயம் இருக்கும்.

2. Covering Letter

இது மிகவும் முக்கியமான ஒன்று. இதை மூன்றாக பிரித்து, உங்களுடைய அறிமுகம், எந்த பிரிவிற்கு விண்ணப்பிக்க விரும்புகிறீர்கள், உங்களுடைய படிப்பில் இது சம்பந்தப்பட்ட பின்னணி என்ன, இந்த பிரிவை என் தேர்வு செய்தீர்கள் என்பதை தெளிவாக குழப்பம் இல்லாமல் எழுதவும்.

3. Curriculum vitae

CVயில் கவனத்தில் கொள்ளவேண்டியவை பல.

a. இதை முடிந்த வரை Chronological Formatல் தயார் செய்யவும். அதை பற்றிய மேலும் விவரம் இங்கே.
b. உங்களுடைய கலர் படம், முடிந்த வரை சிரித்தவாறே, நல்ல பின்னணி நிறம், சரியான உடை. ஆண்கள் முடிந்த வரை சூட். பெண்கள் முடிந்தால் ஷர்ட். இந்திய படங்கள் படி முறிக்காமல் சிறிது சிரித்தவாறே. பல்லைக்காட்டிக்கொண்டு இலிக்கவும் கூடாது.
c. Reference : அவர்கள் உங்களை பற்றி மேலும் விவரம் அறியவிரும்பும் பட்சத்தில் யாரை தொடர்பு கொள்ளலாம் என்று இரண்டு நபர்களின் முழுமையான முகவரியை எழுதவும். முடிந்தால் தொலைபேசி எண் மேலும் ஈமெயில் முகவரி கொடுத்தால் உசிதம்.
d. உங்களின் மொழித்திறன், குறிப்பாக ஜேர்மன் படித்து இருந்தால் எந்த நிலையில் உள்ளீர்கள், கணினியில் எத்துனை வேகமாக பணிபுரிவீர்கள், என்ன என்ன விடயங்கள் தெரியும் என்பனவற்றை எழுதவும்.
e. கையொப்பம் இட மறக்க வேண்டாம்.

4. Statement of Purpose

இதை கொஞ்சம் நேரம் எடுத்து தயார் செய்யவும். உங்கள் சுயசரிதையே என்றாலும், நீங்கள் விண்ணப்பிக்கும் பல்கலைகழகப்படிப்புடன் எவ்வாறு இதை தொடர்புபடுத்தலாம் என்பதை யோசித்து செய்யவும். உதாரணத்திற்கு நீங்கள் தேர்வு செய்துள்ள படிப்பு பற்றிய தளத்திற்கு சென்று அவர்கள் என்ன என்ன விடயங்களில் வேலை செய்கிறார்கள், அதில் குறிப்பாக உங்களுக்கு எந்த பிரிவு மிகவும் நன்றாக தெரியும், அது எவ்வாறு உங்கள் படிப்பிற்கு உதவியாக இருக்கும் இது போன்ற தகவல்களை சேர்த்து எழுதவும். இரண்டு பக்கங்களுக்கு மிகாமல் இருத்தல் நலம்.

5. Copy of degree Certificate, Consolidated Mark Sheet - Attested/Notary signed.
6. Experience certificate (If any)

A4 Paperil நகல் எடுத்து, நோட்டரி அல்லது attest வாங்கி இணைக்கவும்.

7. Reccomendation Letter (From 2 Persons, preferably prof.) in Sealed Envelope

உங்கள் பேராசியர்களில் இருவரிடம், இதை எழுதி வாங்கி, ஒட்டப்பட்ட கவரில் அனுப்பவும்.

8. TOEFL/IELTS.

முடிந்த வரை இந்த தேர்வு எடுத்த பின், விண்ணப்பங்களை அனுப்புதல் நலம். இல்லையேல் தேர்வு எடுக்க இருக்கும் தேதியும் என்று இந்த தகவலை நீங்கள் அவர்களுக்கு தெரிவிப்பீர்கள் என்ற தகவலை எழுதி அனுப்பவும்.

9. Germany Language Certificate (if needed)

நீங்கள் தேர்வு செய்துள்ள படிப்பிற்கு ஜேர்மன் தேவை இல்லை என்றால் இது அவசியம் இல்லை. ஆனால் இதை இணைத்தல் நீங்கள் தேர்வு பெறுவதற்கு ஒரு நல்ல + விடயம்.

இந்த அனைத்து தகவல்களையும் ஒரு கவரில் வைத்து சாதரண தபாலிலோ, Register தபாலிலோ அனுப்பவும். அவர்கள் குறிப்பிட்டுள்ள தேதிக்கு முன் அனுப்பவும்.

நீங்கள் கொடுத்துள்ள முகவரிக்கோ, ஈமெயில் முகவரிக்கோ உங்கள் தேர்வு பற்றிய தகவல் அவர்கள் கொடுத்துள்ள காலக்கெடுவிற்கு பின் அனுப்பி வைப்பார்கள். அவற்றை வைத்து நீங்கள் விசாவிற்கு செய்ய வேண்டும்.

இந்த தகவல் அனைத்தும் நீங்கள் எங்கு விண்ணப்பித்தாலும் தேவைப்படும். ஆகவே இவை அனைத்தையும் நேரம் எடுத்து, மிக கவனமாக, எந்த விதாமான பிழைகளும் இல்லாமல், தவறான தகவல்களும் இல்லாமல், தயார் செய்தல் நலம். உங்கள் தகவல்களை நீங்களே தயார் செய்யும். மற்றவர்களிடம் செய்ய சொல்வது மேலும் கன்சல்டன்சி மக்களிடம் செல்வதை தவிர்த்தல் நலம். இவற்றில் ஏதேனும் சந்தேகம்/குழப்பம் இருப்பின் தெரியப்படுத்தவும். என்னால் முடிந்த வரை பதில் கூற விழைகிறேன்.

மேலும் உதவிக்கு அல்லது தகவலுக்கு தொடர்பு கொள்ள விரும்புவர்கள் என்னை friends.sk@gmail.com என்ற ஈமெயில் முகவரியில் தொடர்பு கொள்ளலாம்.

அன்புடன்,
எஸ். கே.

3 comments:

பதி August 31, 2009 at 4:17 PM  

விளக்கத்திற்கு நன்றி SK

//Erasmus Mundus பற்றி ஒரு தனி பதிவே எழுத யோசித்துள்ளேன்.//

அதனை எதிர்பார்த்து காத்திருக்கின்றேன்..

CV பற்றிய குறிப்பினில் cம், dம் ஒன்றாகவே உள்ளது. கவனிக்கவும்..

Reference letter கேட்டால் மட்டுமே விண்ணப்பத்துடன் இணைத்து அனுப்பச் சொல்லுங்கள். இல்லையெனில் அது வேறு விளைவுகளை ஏற்படுத்தும். ஏனெனில் சமயத்தில் அவர்களே referee யுடன் தொடர்பு கொள்வார்கள்..

SG September 1, 2009 at 9:02 PM  

informative !

the only thing I would add is taking care of deadlines - differs from the universities in the US and even within Germany, since different universities have different steps in the application process.

And I learnt a new word - serkai vinnapam :)

SK September 1, 2009 at 9:20 PM  

நன்றி பதி. எனக்கு தெரிந்த வரை ஜெர்மனியில் எல்லா பல்கலைகழகத்திலும் ரேபிறேன்சே லெட்டர் கேட்கிறார்கள்.

SG, As I mentioned about it in my last post, didnt mention it here. May be its better to mention it here. Will do it. Thanks for the comments.

  © Blogger template 'Fly Away' by Ourblogtemplates.com 2008

Back to TOP